Kholera ke eng?
Kholera ke bolwetse bjoo motho a bo humanago ge a nwele meetse goba a jele dijo tša go ba le twatši ya kholera.
Twatši yeo e bakago kholera e humanwa ka mantleng a batho
Ka go nwa meetse le go ja dijo tšeo di feteditšwego ke twatši ya kholera
Na o bona bjang ge motho a ena le kholera
Ge motho a no thoma go tšhologa (mantle a go ba meetse a dithorwana)
Ge motho a hlatša
Ge motho a lahlegelwa ke meetse a mantši ka baka la go hlatša le go tšhologa
Gape ge motho a ena le maswao ao a latelago:
a ikwa a se na maatla a ekwa dihlabi ka diatleng le ka maotong letlalo le a tonya gape le a šošobana mahlo le puane tša go sobelela mo baneng mahlo a go sobelela le molomo wa go oma bathong ba ba golo
Na o ka thibela bjang kholera
Netefatša gore meetse ao o a šomišetšago go nwa le go hlatswa dikenywa le merogo a bedile goba a phekotšwe
O bediše meetse: Tutetša meetse go fihla a bela, o a tlogele gore a bele motsotso wo mongwe wo 1
Go phekola meetse: Tšhela thisipuni ye tee ya bolitšhi go dilitere tše 25 tša meetse . Tlogela meetse a khupeditšwe
Hlatswa dijo tše sa apewago ka meetse ao a bedišitšwego goba ao a phekotšwego pele o di ja
Eja dijo tše apeilwego gabotse le tšeo di fišago ge o di sola
Tutetša gabotse dijo tšeo di apeilwego
Hlatswa diswari tša meetse a ka gae, dipitša le dibjana ka meetse ao a bedišitšwego goba ao a phekotšwego
Šomiša komiki yeo e hlwekilego go kga meetse a ka gare ga seswari se se golo
Khupetša dijo tša gago ka mehla go di šireletša go dintšhi
Aga ntlwana ya boithomelo goba ya molete kgole le methopo ya meetse (noka goba moedi)
O seke wa šomiša noka bjalo ka ntlwanaboithomelo, empa o šomiše ntlwanaboithomelo ya VIP goba ya molete.
Hlapa diatla tša gago ka meetse ao a bedišitšwego goba ao a phekotšwego morago ga go šomiša ntlwana le pele o swara dijo.
Na o ka thuša bjang motho yo a šetšego a ena le kholera
Ba fe motswako wa swikiri/letswai o montši gore ba o nwe
Na o ka dira bjang motswako wa swikiri/letswai
Tšea litere ye 1 ya meetse ao a bedišitšwego goba ao a phekotšwego, tšhela dithisipuni tše 8 tša swikiri le halofo ya thisipuni ya letswai gomme o di tswake.
Nweša motho motswako ganyenyane ganyenye gantši go ya ka moo go kgonegago.
BOTLHOKWA
Gopola, o dule o efa motswako wa swikiri\letswai go motho yoo a swerwego ke kholera
Iša motho kliniking ya kgauswi goba lefelong la go bušetša meetse mmeleng ka pela go ya ka moo go kgonegago
Ge o nyaka tshedimošo ye nngwe, goba o gopola gore o ka no ba o ena le kholera, goba leloko la lapa la gago goba la setšhaba sa geno (motho yoo o mo tsebago), etela kliniki ya kgauswi le moo o dulago, sepetlele, ngaka goba modiredi wa tša maphelo.
